Lifi jafnréttið.

Af hverju ætti konum að vera skylt að hylja brjóst sín? Af hverju ættu þær konur ekki fá að vera berar að ofan f þær vilja það?

Og hver er munurinn á bringu karla og kvenna? Jú flestir erum við karlmenn nokkuð flatbrjósta það eru til flatbrjósta konur. Jú yfirleitt eru konur með gildari bringu en við karlmenn en þeir karlmenn eru þó til sem að geta verið stoltir af C eða D brjóstunum sínum. (og svo kemur kannski þokkaleg bumba með því).

Jafnréttisfrömuðir hér á landi hljóta öllum þeim réttindum sem konur hljóta til þess að standa jafnfætis körlum er ekki svo?

Ber brjóst leyfð í Sundsvall

Er hægt að ráða son Davíðs Oddssonar í vinnu?

Ég spurði þessarar sömu spurningar í vinnunni um daginn. Væri nokkurn tíma hægt að ráða son Davíðs án þess að einhverjir risu upp á afturlappirnar og hrópuðu spilling.

Spillingin þrífst nefnilega mjög vel á Íslandi. Hún þrífst eflaust í einhverjum mæli hjá ráðherrum og ráðuneytum. Já og eflaust hjá hinu háa alþingi líka. Þegar ég fer að hugsa út það þá er án efa spilling á Bessastöðum líka.

En best þrífst spillingin hjá andstæðingum Sjálfstæðisflokksins. Ég þekki svona fólk. Heilinn í þeim er svo gegnsýrður af þeirri tilhugsun að þó að allt mæli gegn því, og burtséð frá þeirri staðreynd að Ísland er ofarlega á lista yfir minnst spilltustu lönd í heiminum, þá sé allt og allir sem tengdir eru Sjálfstæðisflokknum gjörspillt. Þess vegna spyr ég hvort að það hefði verið hægt að ráða son fyrrverandi formanns spillingarflokksins í nokkra vinnu hvort sem það er dómari í Héraðsdóm Norðurlands eða sem blaðberi Morgunsblaðsins án þess að þetta fólk færi að hrópa SPILLING.

Mitt svar er nei. Það er ekki hægt að ráða son Davíðs Oddssonar í vinnu. Svoleiðis bara gerir maður ekki. Ekki séns. Tala nú ekki um þegar þú ert ráðherra og þingmaður fyrir spillingarflokkinn sjálfan. Þá hlýtur þetta að vera eintóm pólitísk spilling.

Dómsmálaráðherra skilar rökstuðningi fyrir ráðningu

Maður veit aldrei...

Maður veit aldrei hvað gerist næst. Ég fór í gær og hjálpaði Sibba vini mínum að henda rusli. Eftir það fann ég að ég var að verða frekar kvefaður og ákvað nú bara úr því að Ingibjörg væri að vinna að skríða upp í rúm og liggja þar. En nei, ég var læstur úti. Damn. En jæja ég hringdi í IT og spurði hvenær teingdarforeldrar mínir kæmu heim. Eftir 2 tíma. Jæja ég ákvað þá að fara bara heim til mömmu og leggja mig þar. Ég kemst inn og lagðist glaður í sófann og fór að horfa á sjónvarpið. Loksins gat ég slakað á.... í heilar 5 mínútur því að þá var hringt frá Norðuráli og ég var kallaður út í vinnu. Ég kom heim 10 klukkutímum seinna, lurkum laminn og búinn að fá svo marga neista vegna stöðurafmagns í rassinn(sem væri alveg efni í nýja færslu) að mig verkjaði í það. Lærdómurinn sem ég dreg af þessu... ekki plana það að leggja sig á miðjum degi. Það eru svo ótal margir hlutir sem geta komið í veg fyrir það.

2 spor

Ég lenti í smá vinnuslysi í dag. Það endaði með því að ég fór upp á spítala og var saumaður.

Eigum við þá ekki að vera bara nakin?

Enn eitt dæmið um það þegar umhverfisvendarsinnar ganga of langt. Nú eiga allar stelpur að vera í G-streng af því að það er svo umhverfisvænt. Eigum við ekki bara að sleppa því að framleiða föt, af því að það er svo umhverfisvænt, og ganga um nakin. Sum okkar eins og við á Íslandi munum deyja úr ofkælingu en þau okkar sem að búa á hlýrri stöðum lifa kannski af. Svo gæti verið að mannkynið þróist og þeim fari að vaxa feldur sem að getur haldið á þeim hita, af því að það er svo umhverfisvænt.

En er þetta ekki mismunun á kynjum? Af hverju eru það bara stelpur sem að eiga að ganga í efnislitlum nærfatnaði? Af hverju krefjast þessi norsku umhverfissamtök að við strákarnir förum að nota G-strengi sem nærfatnað? Á bara að krefja stelpurnar um að ganga í óþægilegum(er mér sagt) efnislitlum nærfatnaði til þess að bjarga jörðinni? Eiga strákarnir ekkert að leggja af mörkum í þessum nærfata björgunarleiðangri.

Nei ég myndi ekki krefjast þess af neinum að ganga í óþægilegum og efnislitlum nærfatnaði hvort sem er til þess að vera sexy eða bjarga jörðinni. Þetta er bara eins og svo margt í umræðunni um umhverfisvend... ALGJÖRG HELVÍTIS KJAFTÆÐI.

Umhverfissamtök mæla með g-streng í jólapakkann

Einkunnir.

Afraksturinn af önninni héðan af eru:

Iðnteikning málmiðnaða 103                                          10

Véltækni  102                                                                 10

Vélfræði 313                                                                    9

Efnisfræði málmiðnaða                                                    9

Vélfræði 513                                                                   8

Vélvirkjun 104                                                                7(eins og allir aðrir í áfanganum)

Smíði 306                                                                       6

Einkuninn í Vélvirkjun kom svo sem ekki á óvart, þar sem að fyrir allar skýrslur sem að ég hafði skilað á önninni fékk ég 7. Allir aðrir fengu fyrir þeirra skýrslur 7. Og áður en að ég athugaði með mína einkunn þá vissi ég að 2 af 8 í mínum hóp höfðu fengð 7 þannig að ég gekk bara út frá því að 7 væri málið. Hins vegar lýsi ég því hér með yfir að ég mun aldrei beita neinum þeim vinnubrögðum sem að ég lærði í VIR. Ég mun aldrei aftur bora 18 mm gat með 9, 10 og 12 mm borum, ég mun aldrei beygja öxul með því að hita efnið með TIG suðu og beygja það með höndum og bræða svo bara yfir sprungurnar sem myndast, og ég mun ALDREI aftur nota þungt drifskaft til þess að berja legu upp á öxul. Drifskaftið var svo þungt að það þurfti 2 til þess að halda á því.

Þá er allt komið. Ein sexa, sjöa og átta og svo tvær níur og tíur. Mér finnst þetta vera alveg ásættanlegt og í samræmi við vinnuframlag á önninni. Mér finnst kannski svolítið súrt að fá bara 9 í Vélfræði 313 vitandi það að allir þeir sem að fengu vinnubækur frá öðrum og fóru ekkert að læra fyrr en nokkrum dögum fyrir próf fengu 8. Það segir mér að prófið hafi verið of auðvelt. Menn sem að gera ekkert eiga þá bara að falla. Því miður virðist það vera að svona skussar komast í gegnum alla vélstjórn án þess að leggja nokkurn tíma eitthvað verulega á sig til þess að ná.

Hræðileg útkoma.

Ég tók svona Perfect Match könnum á Facebook um daginn. Ok ég tek þetta ekki sem heilagan sannleik en ég hefði vonað að útkoman hefði verið önnur en þessi:

Kata                                       69%

Svala(frænka Ingibjargar)      51%

Heiðdís(mín fyrrverandi)         43%

Elín                                         33%

Vera(mín fyrrverandi)             26%

og loks Ingibjörg                   12%

Ég ætla að leyfa mér að hundsa þessa könnun og halda því fram að Ingibjörg sé frábær kvenkostur fyrir mig. Ég gæti ekki verið heppnari með unnustu. (Jóhann hugsar um allt það fallega sem hann gæti skrifað um Ingibjörgu en hann gerir það ekki því að þá yrði færslan allt of löng)

Annars lifi ég piparsveinalífi hérna fyrir norðan. Það sem ég hef haft í matinn hingað til eru Pizza og kók, meiri pizza og kók og svo pulsur og kók. Í hádeginu fæ ég mér samlokur og í morgunmat....nja ég borða aldrei morgunmat. Hollt ekki satt?????

Home again.

Ég á í vandræðum með munninn á mér. Hann segir of margt áður en heilanum mínum hafi tekist hugsa það sem ég ætla að segja til enda. Að heilanum hafi tekist að fatta að sumt er betur látið ósagt. Stundum finnst manni eitthvað fyndið áður en maður segir eitthvað, en þegar maður heyrir sjálfan sig segja það, þá kemst maður að því að það var hvorki fyndið né sniðugt. Hún mágkona mín var svo yndisleg að benda mér á þetta í gær. Væri ekki hægt bara að fá svona tímaliða sem leyfir manni ekki að segja eitthvað fyrr en að heilinn hafi fengið svolítinn tíma til þess að átta sig á því sem maður ætlar að fara að segja? Ég vildi að það væri hægt. Gæti forðað mér frá ansi miklum vandræðum í framtíðinni.

Við Ingibjörg kíktum heim um helgina. Tilgangur ferðarinnar var að keyra Ingibjörgu heim í jólafríið sitt. Ég fer síðan einn norður til þess að klára skólann fram að jólum. En það var skrýtið að koma heim í þetta skiptið. Auðvitað getur maður ekki ætlast til þess að fólk breyti skipulaginu yfir helgina hjá sér bara fyrir okkur, en í þetta skiptið var bara enginn til þess að hitta okkur. Pabbi og mágkona mín voru í vinnunni, Sibbi vinur minn norður á Dalvík, tengdaforeldrarnir fyrir sunnan og við sátum heima gerðum ekki neitt. Að vísu skilaði fólkið sér svona smán saman þannig að í lok helgarinnar hefur maður náð að eyða smá tíma með fólkinu, nema Sibba. Hann er ennþá í rassi alheimsins Dalvík.

Og þegar ég fer norður, verð ég ALEINN í íbúðinni. Það er rosalega langt síðan að ég hef verið einn heima svona lengi. Yfirleitt hef ég ekki verið einn nema kannski nokkra daga. Ég sé þetta fyrir mér. Þetta verður svona ekta piparsveinaíbúð, þar sem maturinn saman stendur af pizzum, hamborgurum og öðru ruslfæði og einu skiptin sem að ég verð klæddur í eitthvað meira en nærbuxur er þegar ég fer út. Eða ekki.

Er starfsheitið ráðherra niðrandi fyrir konur?

Þó svo að við komum á jafnrétti kynjanna mega þá starfsheiti ekki halda sér? Hvað getur það varðað jafnrétti kynjanna þó svo að ráðherrar verði áfram ráðherrar. Er þetta ekki orðin full mikil smámunasemi hjá femínistum þessa lands að orðið og starfsheitið ráðherra fari í taugarnar á þeim? Þegar við erum farin að endurskrifa íslenskuna með jafnrétti í huga þá segi ég að jafnréttið sé farið að ganga of langt. Ég ætla alla vega ekki að spyrja konur að því hvernig ég á að tala.

 Er heldur ekki meira áríðandi að berjast gegn launajafnrétti og að konur standi jafnfætis körlum í atvinnulífinu, í stjórnmálum og víðar í samfélaginu. Þingmaðurinn hlýtur þá að vera að lýsa því yfir að þessir þættir jafnréttis séu þá í rosalega góðum málum úr því að þetta er orðið áhyggjuefni.

Hvað verður þá um sýslumanninn, slökkviliðsmanninn, sjúkraflutningamanninn. Mega ekki starfsheiti halda sér þó svo að konur gegni þessum störfum. Til dæmis hefur frú Sigríður Snævarr verið sendiherra árum saman án þess að það hafi verið lagt til að breyta sendiherranum. Og hvað er það niðrandi fyrir konur að verða ráðherrar. Mér finnst það merki um pólitískan frama, að viðkomandi hafi náð miklum árangri í pólitík úr því að henni er treyst fyrir ráðherraembætti.

Ég segi nei, nei og aftur nei. Ég hef beðið lengi eftir því að jafnréttið myndi ganga of langt. Að konur þessa lands myndu skjóta yfir markið í þeirri viðleitni sinni að bæta hag kvenna. Núna hefur Steinunn Valdís Óskarsdóttir stigið fyrsta skrefið.

Vill nýtt starfsheiti fyrir ráðherra

Facebook

Loggaði mig inn á Facebook áðan. Ja hérna hér, það voru 3 sem að báð um að vera vinir mínir, ég var beðinn um að komast að því hvort að ég sé venjulegur( sem ég get sagt hér og nú að ég er ekki), komst að því að Elín er vampíra og fleira og fleira. (skilst reyndar að Kata hafi platað Elínu út í þetta) Ég er búinn að vera inni í korter og hef ekki undan að lesa einhver skilaboð, og boð um að gera þetta og hitt og vera vinur allra..... en þrátt fyrir allt þetta þá......HVAÐ ER FACEBOOK???????? Getur einhver útskýrt þetta fyrirbæri fyrir mér? Er ég orðinn svona gamall eða en ég bara skil ekki þetta fyrirbæri. Getur einhver lánað mér handbókina um Facebook?

Vinnan að íslensku útgáfunni að kennslubók í VFR 313 gengur vel. Að vísu er útgefandinn og þýðandinn kominn í dálitla tímaþröng því að handritið á að vera klárt 19. nóv eftir nákvæmlega viku. Ég vonast til þess að ná að klára handritið á réttum tíma. Svo er útgáfudagur 7. des. Það var nú gert grín að mér í dag að ég væri gersamlega að þýða bókina. Nú ef maður vill vera öruggur um að vinnubókin sé örugglega nógu góð þá þýðir maður bara alla helvítis bókina. Ég vill líka vera alveg hundrað prósent viss um að þegar ég fer að lesa undir próf þá hafi ég allar upplýsingar, og maður hefur nú hvort sem er lesið stærri bækur undir próf. Það ætti ekki að vera erfitt að læra nokkurn veginn íslenska þýðingu á vélfræði sem er þar að auki eftir mann sjálfan. Það er síðan spurning hvort að maður ætti svo ekki bara að fara að selja þýðinguna. Þá sleppa vélstjórnarnemendur að rembast við að lesa dönskuna.